Ci encoumence li diz des ribaux de Greive

Ribaut, or estes vos a point :
Li aubre despoillent lor branches
Et vos n’aveiz de robe point,
Si en avreiz froit a voz hanches.
Queil vos fussent or li porpoint
Et li seurquot forrei a manches !
Vos aleiz en estei si joint,
Et en yver aleiz si cranches !
Vostre soleir n’ont mestier d’oint :
Vos faites de vos talons planches.
Les noires mouches vos ont point,
Or vos repoinderont les blanches.

Explicit.

—

Rutebeuf (?-± 1285)

Rutebeuf, Œuvres complètes; Le Livre de Poche, Paris; ISBN 2253066737