A ung poete ignorant

Qu’on meine aux champs ce coquardeau,
Lequel gaste, quand il compose,
Raison, mesure, texte, et glose,
Soit en ballade ou en rondeau.

Il n’a cervelle ne cerveau,
C’est pourquoy si hault crier j’ose :
Qu’on meine aux champs ce coquardeau.

S’il veult rien faire de nouveau,
Qu’il œuvre hardiment quelcque chose,
(J’entens, s’il en sçait quelcque chose),
Car en rime ce n’est qu’ung veau
Qu’on meine aux champs.

—

Clément Marot (1496/7 - 1544)

Clément Marot, Œuvres poétiques, T. I; Garnier, Paris; ISBN 2100030922
Clément Marot, Œuvres poétiques, T. II; Garnier, Paris; ISBN 2040173242
Clément Marot, L’Adolescence clementine; Gallimard, Paris; ISBN 2070324052