O Nuict où je me pers, tenebre afreux et sombre,
Pourquoy durez vous tant, faites place aux flambeaux
Que vous tenez là bas arrestez souz les eaux,
Pour rendre à mon mal-heur plus obscure vostre ombre.
J’aime mieux demeurer pour jamais en encombre
Entouré de silence, entre ces deux tombeaux,
Que d’estre en rien tenu à ces deux Soleils beaux,
Deux Soleils, mais deux nuicts, semblables à vous ombre:
Je veux mourir plustost qu’invoquer la lumiere
De tes yeux trop luisans, en frappant la chaudiere
Du Prestre au sacrifice en la nuict estonné:
Mais je desire bien publier leur rudesse,
Et la peine qu’ils m’ont pour leur plaisir donné,
Faignant de m’acquerir une douce maistresse.

—

Christofle de Beaujeu (S. XVI)

Christofle de Beaujeu, Entouré de silence; La Différence, Paris; ISBN 2729110585