Even dienke
Even dienke, even dienke,
Even dienke, 1, 2, 3
A je ’t weet dan mag je ’t zegge
Mae is ’t het ehhh….., dan weet je ’t nie.
(Algemeen)
Wie briengt het gelôôf in Zeêland vrom ee, ik noem’r ier een paer
Is dat Kees Slager of is ’t misschien Jos Broeke of is dat Zeêland, echt waer?
(Dialect)
Wat is het moaiste Zeêuwse woord ee, gaè t’r naè op zoek?
Is dat hosternokke, is dat platte zeuge of is dat scheuteldoek?
(Geschiedenis)
Welk apparaat eit ‘r vuuftig lenzen, mie uutzicht op d’n tied?
Is ’t een soortje bril of is ’t een varrekieker of een canon dat a nie schiet?
(Politiek)
Gae me noe wè of nie ontpoldere, is ’t ja, neê of misschien?
Merge krieg je ’t antwoord, ’t wor een compromis ee, de zeêdiek dat wor een
stremien
(Topografie)
Waè is de groaste Zak van Zeêland, ja, dat is een vraag
Ligt die in Zuud-Beveland ee, of is die in D’n Aag?
(Taal)
De lange ij is in ’t Zeêuws een ie ee, wijs dat is dus wies.
Oe eêt dus onze commissaris, is dat Carla Peijs of pies?
© Engel Reinhoudt, tgv presentatie spel ‘Even dienke’, Ellesdiek, 8 oktober 2009