Ut volhend jaer. (dan doe me alles anders)

Voor aj’r erh’ in eit as ’t eind december

En je scheurt ut leste blad van de kalender

D’r is wee ’n jaer verbie

Of aj ’t hlôve wil of nie

Mer ut volhend jaer dan doe me alles anders

Ik werkten nie zô ard an m’n condiesie

En ik wier nog wè ’s heflitst deur de peliesie

Ik rôôkten wee te vee

Viel in slaep voe de T.V.

Mer ut volhend jaer dan doe me alles anders

‘k A de kaemer wè ‘s ’n verfje kunne heve

Mer ut bleef zô as hewoon ’n lofluk streven

D’n auto nie hepoest

En m’n fiets is êên bonk roest

Mer ut volhend jaer dan doe me alles anders

‘k A m’n vrienden motte schriev’ of motte belle

Mer ’n ehoist die kant alleen wè stelle

’t Is nie altied even hoed

Wat aj ’t êêle jaer zô doet

Mer ut volhend jaer dan doe me alles anders

Elk nieuwjaer is un mooie witte bladzij

Mè voor aj’t weet is ’t iets dat aj’wee had eit

En dan kieke me terug

En belove m’ok wee stug

Ut volhend jaer dan doe me alles anders

Ja, ut volhend jaer dan doe me alles anders