Ut Hoese Meer
In achtienonderd nehen wiere 'r schorren inhediekt
Tussen Hoes en d'Oosterschelde, knap stik werk aj 't hoed bekiekt
En ze wonne vruchtbaer land, di wier heploeterd in de klei
Ut hraen dat stoeng te holven, en de peeën stoeg' op rij
Mè noe ister iets veranderd wan dat land wor noe 'n meer
Mi luxe bunhelo's, ut doe mien best 'n bitje zeer
En di komt ok 'n menege, en di komt 'n hollefbaan
En die hoeie ouwe Krukweg, wor meschien nog wè's 'n laan
Want der is meer, meer
Meer en meer en meer
Weune an ut luxe
Hoese Meer
Meer, meer,
Ja me wille alsmae meer
Kavels van 'n alf miljoen en meer
At zô deurhaet in ons Zeeland,dan wor al ut land wee nat
Steekt de dieken deur, z'è lang henoeg d'r nut 'ehad
Want d'r is toch echt niks mooiers as 't weunen an zô'n meer
Mie de holven voe de deure, of in de hang mie vee slecht weer
Stilstand is achteruutgang dus me hraeve d'r op los
Weg mie landbouwhronden, blommedieken of mie bos
Me bouwe an de toekomst en of je 't glôôve wil of nie
Ons Zeeland ziet d'r straks wee uut as in dertienonderd drie
Want d'r is meer, meer,
Meer en meer en meer
Weunen an 't luxe
Hoese Meer
Ja meer, meer
Iedereen 'n meer
Kavels van 'n alf miljoen en meer