Toeristen
Zeg buurman ma'k is vraehe, wat stae di bie die aehe
Dat lieken wè 'n kerreven is 't nie
Nou dan ei jie 't wè hetroffe, wan volhes mien bin 't... Duitsers
Di ka 'j je lol mee op dat za je zie
En ik noeme ik hin naemen, mè noe zitte z' in je braemen
Ak joe was zou 'k mè 's kieke wasse doe
En laet je dan nie kiste van 'n stik of wat toeristen
Wan die dienke da 's ier alles kunne doe
Ach buurman nie zô somber, die toeristen bin m'n brôôd
Van 't land kan 'k nie mi leve en ze elpe m' uut de nôôd
Ik pikker zô 'n hraentje bie, toerisme is nie zô kwaed
Ut bin toch ok mè mensen, en ik bin d'r bie hebaet
Noe wil ik niemand iets verwiete, mè ze jatte as de pieten
Aest elken dag dan raek ik wè wat kwiet
Ze lôôpe in d'r naekje, mie 'n 'engel en 'n aekje
Die mensen die è vee te vee tied
Wan as noe die toeristen, alleen mè 'n bitje visten
Dan was t'r ier hin man over boord
Mè ik oorden laest vertelle, da ze bie ôôst-kapelle
A biena 'n
misje è vermoord
Ach buurman nie zô somber, die toeristen bin m'n brôôd
Van 't land kan 'k nie mi leve en ze elpe m' uut de nôôd
Ik pikker zô 'n hraentje bie, toerisme is nie zô kwaed
Ut bin toch ok mè mensen, en ik bin d'r bie hebaet
Nou ze maeke 't wè van eiers, wan noe zitte z'in je beiers
En in je 'n errebezems staet 'n vent
En ik kan ier aest nie komme of ze zitte in je blomme
Dat doe j' toch nie bie iemand die j' nie kent
En noe doe jie wè nochter, mè straks zitte z' an je dochter
En jie maek mien nie wies da j' dan niks doet
Mè dan zit je wè in nisten, mie al die rottoeristen
Mè kwa ik gae is deu ut hae je hoed
Mè kwa ik gae is deu ut hae je hoed