('t
leven van 'n ) SUKERPEE
'k
doe wee 'n klontje in de koffie
Of
'n schepje in de thee
En
in hedachten zie 'k ut voor me:
't
leven van 'n sukerpee
'n
klein zaetje in de bodem van die rieke Zeeuwse klei
Mi
persiesie bi j' hezaaid, mie al je broertjes op 'n rij
En
d'n boer is onheduldig, ie krauw driftug in de hrond
Volhes
mien ist'n nie wiezer, mie'n verhrôôthlas lôôpten rond
Op't
moment da jie hae hroeje is je kostje a hekocht
Wan
voorda jie ooit 'n pee bin, bi j a op contract verkocht
'n
and kunstmis is je'n eten, en je slikt ut j' ei hin keus
Maeher
peetje is hin mode, nee d'n boer zie hraeg 'n reus
Op
't ende van je leven wor nog êêst j'n aer heknipt
En
dan wor jie mie'n mesjiene netjes uut de hrond hewipt
Mie
je broertjes hae j' op reize, mie bestemming de febriek
Mè
voorda je di helost word bi j' a 'n bitje sukerziek
Verpulverd
en vermaele, ja zô vrêêd wor jie
vermoord
Oh
me kenne 't allemaele, die weeë lucht bie Dinteloord
En
zô kom jie in mien koffie, en zô kom jie in mien thee
Ut
is triest aj'r over naedienkt: 't leven van 'n sukerpee