ONDERD
JAER
't
ouwe mensje wor noe onderd
Ze
zit zô netjes anheklêêd
Om
allef êên mô z'op de foto
Ze
zat om tien uren a hrêêd
En
eih'luk wil ze hlad hin drukte
Omda
ze nie om drukte heeft
Z'is
a tevree mi d'r bakje koffie
Z'is
a blie da ze nog leeft
Da ze
nog leeft, ut is 'n wonder
't
is 'n wonder, ja 't is waer
Ut
is zô moeiluk te heloven
Mè
ze wor noe...ze word' onderd jaer
Ze
stoeng zô netjes in de krante
'n
mooie foto op pahina elf
Ze
was wè hrôôs, mer ok verlehe
Wan
ouwer worre dat hieng vanzelf
En
't was zô druk op de receptie
Di
waerer zelfs uut butenland
Ze
wist nie wie, 't was lang heleë
Ze
kreeg van zôvee mensen 'n and
'n
and, 'n kus, de beste wensen
De
beste wensen en nog vee jaer
Ze
kon 't nog altied nie beseffe
Mè
ze was noe...ze was onderd jaer
Ze
hieng ni bed, ze was verslete
'n
tenger mensje zonder kracht
Ze
wier uuteind'luk nooit mi wakker
Vredig
sliep ze in, die nacht
En
voe de twidde keer die weke
Stoeng
ze in de PZC
Op
pahina acht, mie 'n zwart randje
En
alle lezers leefden mee
Ze
leefden mee mi de femielje
Die
was heschokt, mer ok dankbaer
Da
ze zô oud a mahhe worre
Wan
ze was toch...ze was onderd jaer.