OMA'S RECEPT.
Ooit was alles beter, ja dat
wordt altied beweerd
Vooral op 't gebied van eten,
was't vroeher nie verkeerd
Hin bestrijdingsmiddels, mè
luzen in de slae
En alles hroeiden ok a ajr
hin kunstmis bie hedae
En de menier van koken, die
was lang nog nie zô snel
Alles op de kachel, of op 't
peteroliestel
Un uur of viere suddere, dan
was 't zô'n bitje haar
En flienk wat zout en vet
derbie, dat was toen nog nie raar
Mè noe is dat wè anders, wan
me bin voe ons hemak
Dus kom vee van ons eten uut
'n blik of uut 'n pak
En è me snelle ovens, 'n wok
of magnetron
Och as ik nog mè's êên keer
oma's prakje ete kon
Lest was ik in de supermart,
en weet je wat ak di vond
Rookworst volgens Oma's
recept, ut waeter in m'n mond
Ik è d'r drie hekocht, en ik
a bienae hin heduld
Wan ik wist nog oe ak vroeher
van die woste a hesmuld
En op weg ni de kassa behon
ik a verlekkerd de verpakking te lezen.'Rookworst, geheel bereid volgens grootmoeders
recept' stond d'r mie hrôôte letters. En iets kleiner: ingrediënten:
varkensvlees, pluimveevlees, zout, kruiden, stabilisator, emulgator,
anti-oxidant en kleurstof E-440. En in hedachten zag ik wee oma in d'r keuken.
Di ieng 'n planke, en di stoenge al van die heëmailleerde potten op. Op die
potten stoeng heschreve: zout, soda, zeep, mè di wère ok 'n paer potten di
stoeng niks op. En as kind ek meneihen altied afgevrohe wat a di in zat. Mè noe
bink 'r achter. Di zat de emulgator, de stabilisator, de anti-oxidant en de
kleurstof E-440 in.
Ooit was alles beter, ja dat
wordt altied beweerd
Vooral op 't gebied van eten
was 't vroeher nie verkeerd
Hin bestrijdingsmiddels, mè
luzen in de slae
En alles hroeiden, ok a aj 'r
hin kunstmis bie hedae