HRENSLINDEN

Soms dwael ik langs restanten van 't verleden

Over hrond dirra m'n voorouwers voe streden

Langs die uusjes mie d'r hroenheverfde blinden

Over diekjes mi die mooie ouwe linden

Refr.:

En 't is mè net oe aj 't bekiekt

Tbin mè bôômen j'ei heliek

Mè zô'n linde op d'n diek

Waai nie om en stae wè sjiek

De mistiek, de simboliek

De Zeeuwse linde is uniek

Soms dienk ik an die langvervlohe tieden

An 'ardwerkende, hodvrezend' erme lieden

An 'n man die 'n bôôm plant voe z'n teerbeminde

En drie eeuwen laeter stae ier nog z'n linde

Refr.

Soms stae ik zômè urenlang te kieken

Want ik ouwe van die mooie blommedieken

Mer af en toe dan waaier andre winden

Wan 'n snelweg is belangrieker as linden

Dus wat zei de poletiek

Alles mi de hrond heliek

'n nieuwe snelweg is uniek

Dan bi'j hauw op de febriek

En die linden en dien diek

Das 'n stik problematiek.

Mè de hrenzen voe 'n zeeuw dat bin z'n linden

Wan die zatten buten Zeeland nerhes vinde.

Refr.