ELKE WEKE FEEST.
refr. Nostalhie is commercie,
en toeristeheld dat stienk' toch nie
Mie'n draaiurhel en hoempapa, en netuurluk Vietnamese
loempias
Verdiene m'r wat bie
't is rommelmart, 't is
braderie, ploegwedstrijd of kantooi snie
't is kermisse of 't is stoppeldag, wees blie da j' ier ok
komme mag
Ei j' je portemenee wè bie
Parkere kost 'n tientje, mè
di ried 'n hratis bus
D'r is altied wè 'n reden,
voe 't herdienken van 't verleden
En ier te kommen dus
refr. Nostalhie is commercie
enz.
D'r is ier ijs, d'r is ier
friet, apfelstrudel en bitte ein bitt
Me hunne ze 't allemaele é,
zôlang a ze betaele é
Me wille ze nie kwiet
De mart vol kraemen, 'n ele
nacht, de kommesaris in klederdracht
Haaien schere in't Arsenaal,
weinig wol en vee kabaal
Lang leve 't oud ambacht
refr. Nostalhie is commercie
enz.
En lag 't an 't Zeeuwse VVV,
dan pikten ik ok m'n hraentje mee
Dan vertaalden ik m'n rippertoir,
in vloeibaer Duits, ja 't klienkt wè raar
Dan waere ze tevree
Mè kom j' ier in de winter.
dan bin alle tenten dicht
Asof me ut nie wiste, 't is
alleen mè voe toeristen
Me bin voe d'r held hezwicht
refr. Nostalhie is commercie,
en toeristeheld dat stienkt toch nie
Mie'n draaiurhel en hoempapa
Mie klompedans of cha cha cha
Burrito's, taco's, mousaka
Chianti, wodka, rioja
Beerenburg of retsina
En natuurlijk Vietnamese loempias
Wan Zeeuwser kan ut nie.