De kieker van Arjaen

In Westkappel op Walchre bin d' ouwetjes kwiek

Ze prate en ze lulle en ze hae ni d'n diek

Ze prate en ze lulle en ze prume tebak

En asse is wat doe, doe ze 't op d'r hemak

En jaeren en jaeren waster hlad niks te doen

De mensen die werkten en iewe d'r fesoen

De ouwetjes hienge ni 't duun of ni 't bos

Ze praten en ze lohe en ze spohe in 't hos

Mè noe ister iets, 't is 'n schand' om te zèn

Un naektstrand mejezus om hlad blôôt te lèn

De ouwe èt 'hore en vinde 't mè hek

Mè 't geefter wee stof voe 'n êêl lang hesprek

D'n êên eit ezie, mè z'n bril lag nog tuus

D'n aeren is kippug en zei: 't bin mè huus

D'n derden die zei: da zôiets zômè mag

D'r is ier hin orde mi en hin hezag

En Arjaen ei d'n kieker voe de schepen op zêê

Die neemten zô af en toe ok werris mee

Ze kieke ni de bôôten en de misjes op 't strand

't Is schunnig mer eiheluk best intersant

Op 'n keer hieng Arjaen ni de dunen bie 't strand

Di stoenten te loeren mie z'n kieker in d'and

Ie zag wat bewehe en ie keek vee te vee

Toen vielten en rolden ie hlad ni benee

Z'n erren hebroke en z'n kieker kepot

Ze brochten nir 'uus en ze lachten dereihen rot

Ze zeie tehen z'n vrouwe: ier ei jie Arjaen

Medden hevonde op 't naektstrand mie alles nog an

Toen sloeg zie Arjaen z'n ôhen nog blauw

Ni binnen joe snoepert ni binnen en houw

Verlôpig hae jie nie mi kieke ni de bôôten op zêê

En anders hae ik voortan wè mie joe mee