COWBOYS (die è nooit bestae)

 

Toen addik klein was wou 'k wè hraag 'n echte cowboy zien

Want hrôôte kudden koeien, dat was net iets voe mien

Ik zag m' a bienae rieë op zô'n schitterend mooi paerd

Mie wapperende maenen en un ieselukke vaert

'n lasso rond m'n schouwers, ut kampvuur tehemoet

Ut bleef bie fantasere, en dat was meschien mè hoed

 

O want di waere hlad gin prairies op Noord Beveland

En ok hin rodeo's, tussen Hoes en Eintjesant

Un bitje zeeuwse knul, a hin zakdoek rond z'n nek

En mi zô'n hrôôte cowboy 'oed liep j' akelig voe hek

En zelfs zô'n klein pistooltje, ok a wast mè spelehoed

Dat viel onder de wapenwet, en dat was meschien mè hoed.

 

Mè kiek ni TV

John Wayne spreekt vloeiend Duits, en op Frankriek wee Frans

En ik è ôôre vertelle: in Japan spreet 'n Japans

En de vrouwe in z'n ermen, is beslist hin boeretrien

Af en toe wil ik nog steeds 'n cowboy zien

 

Mer al die echte cowboys, jammer da 'k ut zehhe mot

Die ôôr je nooit is prate, van 't mestoverschot

En 'n hierkarre op de prairie, dat ek nog nooit hezie

Hin kwotems op de melk, enkel vechte en paerdje rie

Wan al die mooie plaetjes, die komme uut Hollywood

Cowboys die è nooit bestae, en das meschien mè hoed