Attutnogkommemot.

Attutnogkommemot.

Schrief je kaartjes mie je wensen

Zonder iemand te verheten

Dienk je mô’k nog nieuwe kleren è

En wat zumme is ete

Attutnogkommemot.

Attutnogkommemot.

Poes je flienk in êêl d’n uzen

Ruum je al je rommel op

Zoek je driftug ni kedootjes

Ei je vrêêd vee an je kop

Attutnogkommemot.

Attutnogkommemot.

14 kaesjes in de kersbôôm

Van je Koreaanse sparre

Mi je kilo’s etenswaeren

Raek je toch nog in de warre

Attutnogkommemot.

Attutnogkommemot.

Bi’j’ uuteindluk zô hespanne

Da je snakt ni ’t êêste hlas

En in hedachten zou je wille

Dat ut wee mè over was

Attutnogkommemot.